初學者（下）
呢段對話帶出兩個問題：首先，點解有公司嘅HR明知求職者背景同需要聘請嘅工作內容完全唔吻合都要夾硬揀去見呢？第二，點解可以有獵頭同求職者完全冇見過面，就可以將佢嘅個人資料/履歷表比客戶呢？係咪真係當佢哋係一件貨呢？傳統大型獵頭公司個Database好龐大，獵頭基本上撳一個掣、打一啲關鍵詞就可以搵到佢想搵嘅人，通常一個招聘職位可以出現一大堆「履歷表吻合」嘅Candidate。好嘅獵頭會主動逐一打電話約佢哋上嚟見面，同佢哋面對面解釋、介紹份工作，得到對方同意先可以將佢個人資料比客戶，呢個方法唔好嘅地方就係會比較慢，會比其他嘅獵頭捷足先登。有一啲唔專業嘅獵頭，好多時都唔會約Candidate見面，比較好少少嘅會喺電話度同佢哋略略講幾句個Role做啲乜，完全唔理對方聽電話嘅時候係咪返緊工或者係依一段對話入邊可以了解間公司、招聘嘅職位幾多。講真，喺電話度可以比幾多資訊對方，大家心照啦！最差嘅係，有一班害群之馬，唔同Candidate見面、唔打電話介紹份工，為咗「快」為咗「霸位」，就响System直接撳掣，send份CV俾個客。最壞嘅情況係同時間...
See More
Search